我相信大家聽過大坑這個名字，是因為大坑舞火龍，不過，大坑這個地方，名副其實是臥虎藏龍，因為這個地方，其實有好多好嘢食！

已經耳熟能詳的有民聲冰室、Cafe on the Corner、炳記大牌檔、小甜谷，不過除此之外，近日有好多新店進駐，日前我就跟朋友試過其中一間打正旗號做潮人生意的火鍋店，因為這間火鍋店叫做—潮民！好潮呀！其實身邊有好多潮人朋友都已經試過，仲不停話好正好正！我自己試過之後，我都講着同一句說話：好正好正！

首先個餐前有氣白酒，好飲！火鍋料碟碟都好味，牛胸口、花蟹、花甲、牛粉腸、生蠔……最緊要是個混醬，十幾種醬料任君選擇，撈到啱自己口味為止，還有不能錯過潮民獨有的花茶，打完邊爐，飲番杯茶消消滯，我就揀選了杞子桂花茶，朋友揀選了玫瑰薄荷茶，我們都異口同聲：好正好正！

不過同行的女性友人話，潮民的食物同飲品的確好正，不過最正都是靚仔老闆，貌似方力申的他，服務周到，笑容滿面……嘩哈哈！我不願置評，因為我是男孩子。

時裝設計師