今年東亞運的口號是「創造傳奇一刻」，不過似乎未開波已創造了不少「傳奇」。仲有兩日東亞運就揭幕，若果大家仍然唔知開幕禮喺邊度舉行、幾點開波、有咩嘉賓出席，就要諗吓究竟係自己未關心過，抑或真係政府宣傳不足？
好彩香港仲有一班未來小棟樑撐住，日前先後邀請了多位細路哥（由幼稚園K3至小學六年級）做咗份東亞運「測驗」，結果全部Pass，一啲都難唔倒佢哋。
記資料叻 認人失威
今次街頭測驗，雖然10條問題冇人答中晒，但唔少都答中7題或以上，最多人答中係今年東亞運嘅開幕日期、口號、大會徽章、吉祥物名稱和閉幕禮舉行場地，但不少學生仍然搞唔清楚東亞運幾耐先舉行一次、今年係第幾屆同有幾多項賽事。
見班細路咁醒，再拎出4位中國及香港嘅運動健將圖片畀大家認一認。結果只有3位小學生認得出羽毛球王子超級丹（林丹），其他運動健將包括跳水王后之一吳敏霞、香港壁球小旋風趙詠賢同啱啱成為世界賽冠軍的泳手張琳就冇人識。這亦證明，大會喺學校宣傳做到足，學生對基本資料就好熟，但除此之外嘅體育知識就比較差，希望呢次東亞運，可以提高大家對體育運動嘅興趣啦。
體壇盛事 四年一度
四年一度嘅東亞運動會，被視為亞洲體壇盛事，自1993年起，上海、釜山、大阪和澳門都先後舉辦過，今年輪到香港。開幕禮將於晚上8時在尖沙咀香港文化中心露天廣場舉行，屆時除咗有吉祥物東仔和亞妹，以及不少「國寶」運動員現身支持，譚校長、李克勤、容祖兒等歌星表演，又有煙花助興和花船巡遊。買唔到飛入場嘅話，可以安坐家中睇電視，亦可以喺西九龍海濱長廊、尖沙咀海旁、灣仔海旁及部分商場透過公仔箱或大屏幕轉播，齊齊隔空「實卜」。
今年有9個國家及地區參與，包括中國、日本、韓國、朝鮮（即北韓）、蒙古、中華台北、關島、中國澳門及中國香港。數以千計東亞精英運動員將競逐22個項目合共262面金牌。當中最令人期待的，莫過於中國欄王劉翔久休復出後的英姿，還有中國跳水王后郭晶晶那近乎零水花的一跳。
東亞運考考你
1.香港東亞運在12月幾號開幕？
A.5 B.12 C.24
2.東亞運每隔幾多年才舉行一次？
A.1 B.2 C.4
3.今年東亞運是第幾屆舉行？
A.5 B.7 C.9
4.圖中東亞運吉祥物叫咩名？
A.東妹和亞仔 B.東東和妹妹 C.東仔和亞妹
5.香港東亞運口號是：
A.衝出世界 B.創造傳奇一刻 C.同一個世界，同一個夢想
6.今年東亞運有多少項賽事？
A.22 B.23 C.24
7.田徑項目在哪個場地舉行？
A.大埔運動場 B.灣仔運動場 C.將軍澳運動場
8.哪一個是今年東亞運大會徽章？
A. B. C.
9.哪位中國運動員不會參與今屆東亞運？
A.郭晶晶 B.姚明 C.劉翔
10.香港東亞運閉幕禮將在哪兒舉行？
A.香港文化中心露天廣場
B.香港大球場
C.香港體育館（紅館）
9大必捧賽事
賽事 日期
游泳 12月6~10日
場臲臲地：九龍公園游泳池
體育明星：張琳、劉子歌
跳水 12月11~13日
場臲臲地：九龍公園游泳池
體育明星：郭晶晶、火亮
田徑 12月10~13日
場臲臲地：將軍澳運動場
體育明星：劉翔
乒乓球 12月2~7日
場臲臲地：伊利沙伯體育館
體育明星：王皓、郝帥
羽毛球 12月9~13日
場臲臲地：伊利沙伯體育館
體育明星：林丹
排球 12月2~9日
場臲臲地：香港體育館
體育明星：薛明、王一梅
壁球 12月4~12日
場臲臲地：香港公園體育館/香港壁球中心/香港仔網球及壁球中心
體育明星：趙詠賢、歐詠芝
滑浪風帆 12月7~9、11及12日
場臲臲地：赤柱正灘水上活動中心
體育明星：陳慧琪、何智豪
公路單車 12月10及12日
場臲臲地：八號幹線/創新路-馬鞍山繞道
體育明星：黃金寶
答案
1）A 2）C 3）A 4）C 5）B
6）A 7）C 8）A 9）B 10）C
佢係乜水答案:
1.張琳（中國自由泳選手）
2.吳敏霞（中國跳水王后之一）
3.林丹（中國羽毛球王子）
4.趙詠賢（香港壁球小旋風）
撰文：林登麗
部分攝影：郭賢宏