「我猿寶寶係高山地區的人氣吉祥物，個個都鍾意我！」

「我飛驒牛個名響噹噹，嚟到邊個唔食？」

附有猿寶寶公仔的名字印章，可惜只有日文名，¥700（約HK$62）。	飛驒牛壽司，牛肉微微灼過，多汁又好味，¥500（約HK$45），抵食到震。	飛驒牛肉乾，肉質煙韌，佐清酒一流，¥630（約HK$56）。

日本中部岐阜縣高山市有兩大名物，沒有五官、穿和服的紅色猿寶寶公仔，是祝福小朋友的吉祥物；而入口即溶的飛驒牛，則是日本三牛之一，兩者同具人氣，走在市內的上三之町古街，牠們由街頭鬥到街尾，各有千秋，究竟邊個受歡迎啲？

遇上電視台來拍攝特輯，主持人都要試一口飛驒牛壽司。	步入秋季，上三之町的街道也染成了紅色。	古街上大家可以坐人力車，細味日式風情。

特派記者：羅安琪 鳴謝：日本國家旅遊局（JNTO）、

麵豉可以買預先包裝的，亦可叫店員即場包最新鮮的給你，¥1,650（約HK$147）/ 1kg。	得獎大吟釀清酒，入口甘醇，¥5,450（約HK$486）/1,800ml。	想同我爭做一哥？鬥過先講啦！（設計對白）

松本．高山．金澤．白川鄉誘客協議會、北陸信越運輸局

猿寶寶多　飛驒牛貴

高山的兩大名物—猿寶寶及飛驒牛，兩者皆人氣高企，難怪爭住做高山一哥。甫來到上三之町古街，猿寶寶就自我介紹：「我係小朋友恩物，古時高山一帶的母親，會親手縫製一個猿寶寶布偶畀孩子，祝願他們幸福成長！」

不過飛驒牛就反駁話：「唓！你邊夠我矜貴呀！我同神戶及松板牛齊名，係日本三牛之一，鬆軟多汁，入口即溶，最高級嘅一小塊要¥8,000（約HK$713），連電視台都嚟拍攝我，就知我人氣爆燈啦。」

聽到飛驒牛咁講，猿寶寶有啲不以為然，仲話：「我人強馬壯，隨便一間手信店都有幾十款產品，除咗傳統紅色，更有好多種顏色，代表不同寓意，好似紫（長壽）、黑（辟邪）、藍（工作運）、黃（金錢運）、粉紅色（愛情運），單係公仔已有傳統及卡通造型之分，仲未計電話繩、文具、T-shirt及燒餅、福餅等零食！」飛驒牛即刻話：「哈！我夠識百變囉，可以做鐵板燒、壽喜燒、串燒、火鍋、壽司，甚至肉乾、肉包都得……」

高山市　江戶風味

正當兩大名物拗個不停之際，高山市大喝一聲，話：「你哋咪喺度認叻，高山市淨係靠你哋咩！」

高山市素有小京都之稱，在三町傳統建造物群保存地區內，到處都是江戶時代的木建町屋，現在部分改建成商店、酒坊或小食攤檔，成為遊客必到景點。

在上三之町除了猿寶寶跟飛驒牛外，還有很多得獎及有特色的商店值得一遊，包括超過一百五十年歷史的山車，出產十多款清酒，更獲09年全國酒類中大吟釀部門第一名，清淡中又帶辛味，非常甘醇。旁邊的大之屋釀造麵豉店，麵豉全由工場自家製造，赤麵豉味道濃郁，而米花麵豉則甜酸味適中，用來煮餸煲湯一流。

山車

地址：日本岐阜縣高山市上三之町10番地

網址：www.sansya.co.jp/

大之屋釀造

地址：日本岐阜縣高山市上三之町13番地

網址：www.ohnoya-takeda.co.jp/

遨遊備忘

簽證：持BNO及特區護照均毋須簽證

機票：國泰航空來回名古屋經濟客位機票$3,150起。查詢：2921 6288

網站：www.jnto.go.jp

天氣：12月氣溫約12℃~20℃

交通：由JR名古屋站乘坐火車到高山站，車程約2小時35分鐘

貨幣：¥100約兌HK$8.9