郭秀雲、羅寶文、貝安琪、劉香萍、Freeze、朱潔儀、王馨平等前晚出席「文成公主國際基金會以佛法舒緩現代生活」晚宴。郭秀雲則表示沒有宗教信仰，但每個教派均是導人向善，都有可取之處，她會吸取各方面的道理。她又表示最近由美國飛香港而感染大感冒，病了一個多月，身體弱了不少要睇中醫調理。另外指仔仔在美國，放假會去英國探女友，她說：「不過，要佢喺飛機度一定要戴口罩。我病咗好耐，都係因坐咗十六個鐘頭飛機才被感染。」
一向熱愛動物的郭秀雲，表示現養了一隻獵貓，天性好野，所以要將家中的雀鳥暫寄居朋友家。被問到現在有禽流感人傳狗個案，她即表示十分擔心：「我啲狗好少出街，會喺屋企大小便，但隻貓反而成日去街，所以好擔心。」
羅寶文自言是虔誠密宗信徒，法號「空行母」，且茹素兩年，她凡事求真實，還親眼見過匪夷所思的事，她說：「有一次我間酒店舉行加持，有個女人帶同一個12歲女仔嚟，話佢有問題，想搵人幫，睇落去個女仔真係好怪，好似精神分裂，佢不停說藏語，但咁細個無理由可以講咁流利嘅藏語，而且好快，聲音頻率好高，跟住上師幫佢施法，之後就正常好多。（你當時驚唔驚？）唔知，因身邊有好多人喺度，反而慶幸畀我睇到呢一幕，我信有六道、生死輪迴、鬼魂等。」