久未露面的江欣慈前晚專程來看好友Yesir（鄭凱名）的棟篤笑演講Show，阿慈表示現大部分時間在專注做幕後音樂，問她會否自資出碟？阿慈笑言：「依家仲邊有人買碟㗎，何況做音樂唔一定要自己唱嘅。」談到感情狀況，阿慈即笑謂：「我仲未結婚！（拍拖？）一切隨緣啦！」

而新香蕉俱樂部三人，前晚亦有份在台上演出十分鐘，問到有否向Yesir請教發達心得？范振鋒笑謂：「我哋私下梗有問佢啦，最緊要識多啲人同善用人材，識埋堆都好重要。」

身邊的Ben即笑言：「所以我咪埋咗你堆囉。」