每一年這個時候，都會是勁食大閘蟹的季節，今年因為太忙的關係，所以日前才有時間品嘗今年的第一次大閘蟹宴，太滿足了！

今年的第一次大閘蟹宴是鴻星的兩皇一后四人餐，好抵食！顧名思義，兩皇一后是兩隻公一隻乸，一人三隻大閘蟹都不特止，還有一碟炒蝦仁、一條海斑、半隻雞，一人一個蟹粉小籠飽、一盅魚翅、花彫薑茶甜品，嘩！埋單每人四百蚊有找，超抵食！

在酒樓入面，雖然是爆場座無虛席，不過，非常靜，好少人大聲傾偈，因為所有人都全神貫注在剪蟹腳揭蟹蓋拆蟹肉吮蟹膏，不過，你會不停聽到身邊的人發出一些怪聲怪音：「唔……好味呀！」「唔……正呀！」「唔……好滿足呀！」諸如此類。

如果你係唔識食大閘蟹或者未食過大閘蟹的話，不緊要，因為部長、侍應都非常親切，會教你怎樣食，怎樣挑那個星形的肺出來，對於食大閘蟹新手來說，簡直是一大喜訊！

唔識食大閘蟹，唔使怕醜，無人一出世就識點樣食大閘蟹o架！我都唔知食過幾多粒星落肚啦……嘩哈哈！

我已經約定朋友今個星期再擦多一次，唔……正呀！

時裝設計師