琦琦早前到了北京行時裝騷，前晚返港即出席Models International模特兒公司的三十周年派對，其他嘉賓還有Lisa S.、陳嘉容、Ana R.及07年泰國小姐冠軍Kwang F.。
琦琦表示是專誠來支持，她十七歲時便加盟該公司旗下，當時主力在歐洲行騷的她在經理人安排下開始來港發展，她說：「就係因為嚟咗香港先識到Simon（老公任達華），所以經理人係我半個媒人，我哋嘅關係好好，我好信任佢，連我電腦啲密碼都畀埋佢。」
琦琦自言很珍惜這份緣分，由於她本身是個很重感情的人，看到別人跟公司解約心裏總覺不舒服。已甚少行騷的她坦言現在家庭第一，事業第二，她說：「行北京個騷係因為對方搵咗我好耐，我都因為忙推佢哋，佢哋仲繼續搵，係誠意打動咗我。依家我會揀啲自己鍾意同特別嘅品牌行騷。（咁Simon係咪排第三？）唔係，Simon都係排第一，囡囡都係，只不過囡囡仲細，我需要多啲時間陪佢。」
