黎明嫂樂基兒初嘗當時裝設計師的滋味，推出首個以她命名的秋冬系列並於前晚舉行時裝騷，雖然老公黎明（Leon）沒有親自捧場，但就發了短訊跟她說「good show, you are the best」來冧老婆，而肥了五磅的她因不時用手撐腰，一度令人懷疑她有了BB。
名模樂基兒（Gaile）行騷就行得多，擔任時裝設計師還是第一次。Gaile首度與I.T旗下的自家時裝品牌b+ab合作，推出名為b+ab by Gaile的秋冬系列，前晚於又一城舉行時裝騷，由外籍Model演繹共十七套服飾。設計以party wear為主題，用上不少CRYSTALLIZEDTM-Swarovski Elements作為點綴。至於身為設計師的Gaile就在完騷後步出向現場觀眾謝幕，戴上黑色框近視眼鏡的她，接過一束鮮花後便火速返回後台，之後才再出來接受訪問，她還搞笑地表示急速返回後台是要扮型。
老公喺大陸
不過Leon卻沒有到場支持，問Gaile可會覺得老公沒捧場很可惜，她說：「佢send咗sms畀我，寫住『good show, you are the best』，佢喺大陸，佢知我好緊張，但紓緩唔到，都係好緊張。」當晚所見，Gaile明顯肥了，加上不時不自覺地用手撐腰，難免惹來有喜之嫌，被問到是否有了BB而不自知，她即否認說：「唔係，肯定無。（見你成日撐住條腰？）我要做設計師要型吖嘛。因為近日天氣凍，我胃口好咗，結果肥咗五磅，但我唔會刻意減肥，我鍾意冬天有唔同感覺。」但Gaile腳踏四吋高踭鞋，在未開騷前應記者要求由台下走到台上，身手卻很輕盈。
緊張過行騷
Gaile又讚一眾模特兒表現頗佳，面對自己的首個設計，Gaile自言感到緊張，她說：「唔知點解，仲緊張過自己行騷。（enjoy行騷定enjoy做設計師？）唔同感覺，有關時裝就好enjoy。（今次係咪打入時裝設計第一步？）無諗，唔知將來發生乜事，我係一個好易滿足嘅人，就算將來唔做設計師，都叫做曾經做過。」
文：名人組