朋友的職業是導遊，日前相聚閒談，分享導遊這份工作的爆笑事，唔講你真係唔會知，講你都唔會信，爆笑爆笑！

導遊朋友笑問：你估吓通常男人來香港最想買甚麼？大家通常都估是手提電話手錶名牌衫褲等等，哈！對唔住！錯晒！原來男人來到香港最想買的是……補氣壯陽益腎的東西，簡單啲講就係壯陽丸，我哋成班朋友立即爆笑！導遊朋友叫我們千祈唔好笑，他講是千真萬確的事，咁點解我個朋友會知呢？原來每一次在旅遊巴上面講解完一輪之後，總有男團友問：香港邊度有補氣壯陽益腎的東西賣？導遊朋友話真係差不多每一團都有男人問……唔係講笑，認真勁！

好！咁女人呢？又畀你估！算啦！畀你估你都係估唔到啦……

女人來到香港，最想買的除了化妝品衫褲鞋襪之外，原來都是壯陽丸！Suprise？導遊朋友話男人在旅遊巴問完之後，女人通常靜靜雞再問，費事尷尬！不過通常話係幫朋友買，女團友無錯， 因為壯陽是男人的專利！再爆笑！

認真的，其實我們在爆笑之餘，都衷心的多謝每一個訪港的旅客，沒有你們的到來，香港的經濟又怎會這麼好，不過唔好買晒我哋啲壯陽丸！嘩哈哈……

時裝設計師