進身潮模的Angelababy成功進軍日本後，再轉戰影圈拍賀歲片，更自爆獲美國電影公司邀拍新戲，有望成為香港首位進軍荷里活的口靚模，為此Baby公告未來十年將瞓身工作，三十歲後才考慮嫁人！

【劉慰思巴黎直擊】為慶祝旗下品牌izzue進駐巴黎著名的百貨公司Galeries Lafayette，I.T前晚（法國時間九月三十日）舉行09秋冬時裝騷暨派對，並邀來Angelababy、張震和名模Amanda S.擔任嘉賓。Baby繼成功在日本模壇插旗，再殺入香港影壇拍賀歲片後，她前日自爆越洋出騷價收六位數字酬勞，公開身價不愁嚇怕客戶，皆因她已經獲美國電影公司二十世紀霍士邀拍電影，有望成為首位進軍荷里活的o靚模！Baby不忘自我宣傳：「我真係好鍾意演戲！」更公開新片的細節：「呢套戲係美國Fox投資嘅，由夏永康做導演，叫做《Hot Summer Day》，分為五個單元劇，而其他單元就有張學友、徐若瑄同埋吳彥祖等。」而Baby在戲中將會以素顏上陣，飾演八十年代鄉下女工，為演好角色，她計劃修讀演藝課程。

（左起）Amanda S.、張震和Angelababy擔任時裝騷的嘉賓。

時裝騷的表演期間有live band演奏。

想愈賺愈多

對於死敵周秀娜（Chrissie）也接拍賀歲片，兩人由o靚模界鬥到電影圈，Baby稱只要做好自己則無懼被比較，她又透露完成在巴黎的工作後，將再到日本工作。談到有指男友陳偉霆求婚成功？她直指報道失實：「呢個係史上最假嘅新聞，根本冇可能，我得二十歲，仲係工作階段，想努力賺錢、儲錢，儲幾多都唔會滿足，總之想愈賺愈多！」Baby更公開稱未來十年瞓身工作，被問到甚麼時候考慮結婚時，她說：「最理想係三十歲，然後過半退休生活，我仲有十年奮鬥期！」

時裝騷的模特兒打扮極具特色。

放大圖片

張震冇拍拖

另外，張震表示逗留巴黎兩天後隨即返上海拍賀歲片，當被問到感情生活時，他自爆為電影而忙得沒時間識女仔，不過希望在三十五至四十歲時結婚。