「賣Home」，就咁聽以為係「My Home」，連店名都玩食字，就知店主為人古靈精怪啦！呢間專售特色小家品嘅店子，店主Yuko經營開網上商店，貨源主要來自台灣、日本等地，貨品絕非一般貨色，外形與用途可以「無厘啦更」，令人意想不到，有咗呢啲「小發明」看門口，生活都冇咁悶啦！

貫徹平靚正宗旨

位於荔枝角嘅「賣Home」，稱得上係生活雜貨店，由廚房、浴室、客廳的家品，到美容產品、文儀用具統統有齊。最難得嘅係，舖仔細細，貨品多多，但整體感覺一啲都唔亂。此外，店內每個角落都隱藏驚喜，部分Sell搞鬼造型，TEN & TWENTY則標榜平靚正，入去掃貨好似尋寶一樣咁好玩，啱晒香港人啦！

原來只要將椅子360度旋轉，即刻變身，It's Magic！$399	呢款高踭鞋都幾靚喎，但Size好似細咗啲……（設計對白）	原來係一個開瓶器，由合金製造，仲可以當擺設呢！$108
嘩！有炸彈呀！其實只不過係變臉紙巾筒，最神奇係卷裝和盒裝紙巾都啱放，而且內設滾軸芯，可將卷紙扣好，包保唔會「食紙」！$98	唔係提款卡，亦唔係信用卡，但擺喺銀包一樣咁實用，只要將燈泡部分向上推，卡片就會發光，呢款電筒未見過呢？$38	放大圖片
呢隻美國Cloudb小烏龜有乜用？原來其身體能射出綠色、藍色、琥珀色等光芒，營造一片星空，細心睇仲可以搵到不同星座呢！$248	這個「男孩」名叫「鐵人蜘蛛俠」，乃隔熱鍋墊，內為鋼片，外有隔熱塗層，能承受巨大壓力！$20	呢Pair舞動中嘅情侶，其實係以ABS塑脂製成嘅生薑銼，唔怕生銹，亦都唔會損手。$20
神奇小雞開瓶最叻，上身適合開樽蓋，下身就適合開花生醬等蓋口。$10	鞋架以ABS樹脂物料製成，能將一對鞋打直放入鞋櫃，雙倍增加收納室間！$10	店主Yuko乃潮人一族，經常睇日本雜誌、台灣節目，緊貼潮流，為入貨做準備。

撰文：楊芷穎

攝影：陳富權

模特兒：Ceci（Joint Hill）

查詢電話：2456 2669