九月是莘莘學子的開學天，琦琦和任達華昨日雙雙帶愛女任晴佳開學，小晴佳熱切期待上學，她見到同學仔時更主動拉着同學仔又說又笑，大為雀躍，而單拖湊女開學的徐濠縈則替愛女拍校服照！

琦琦、徐濠縈及范姜三位媽咪的愛女同讀一間幼稚園，昨天是開學日，早上八時十分，琦琦一家三口現身，像其他家長一樣排隊等候學校開門。

范姜陪同女兒鍾懿上學，鍾懿見到記者更主動說早。

徐濠縈說陳奕迅工作忙，未能陪女兒上學。

任達華滴汗為親子

穿上校服紮孖辮的晴佳十分精靈可愛，她甫見同學仔即展開燦爛笑容，甩開父母雙手趨前拉着同學仔的小手談天說地，琦琦和華哥則盡展親民，大汗疊細汗跟其他家長交換湊女經！

琦琦笑說女兒對開學天十分期待：「佢問我點解要放暑假，當知道今日要返學，就好開心，因為可以見番啲同學仔，尋晚七點半佢就瞓。書包同文具都係佢親自揀，全部都係粉紅色，美人魚係佢最鍾意嘅動畫，連書包都揀呢個款。」而華哥笑言陪女兒上學是大事：「哈！當然唔會起唔到身，因為日日我都會早起，一有時間都會陪個女返學，尤其睇住佢入學校門嗰刻係好難忘，覺得個女又大個咗咁。」

潮媽徐濠縈，為女兒拍照。	琦琦和任達華跟其他家長一樣，在學校外排隊入內。	范姜稍後會再照超聲波以確認胎兒性別。

Eason阿B爹哋冇到

徐濠縈則架着墨鏡稍後到來，並拖着女兒陳康堤排隊進入學校，期間更以手機拍下康堤穿校服的樣子，問到為何陳奕迅（Eason）未有到來？阿徐說：「佢有嘢做所以嚟唔到，囡囡都好期待返學，尋晚九點就瞓。」至於懷有約五個月身孕的范姜，也是單人湊女鍾懿返學，並說女兒喜歡上學。范姜將會再照多次超聲波，以確定腹中塊肉是否女嬰，她說：「阿B（鍾鎮濤）話鍾意女多啲，因為女嗲啲。」

文：名人組