早前大病一場的模特兒周倩圯，痊愈後即出埠往曼谷旅行，此行還有其緋聞男友Ricky及其他友人，她更帶定多套比堅尼，在日光下晒身材。

原本周倩圯入住的酒店房間在七樓，但到埗後卻發現樓上房間正在裝修，令她兩度要求換房，她說：「酒店同我保證過，一定唔會騷擾到我瞓覺，但係朝早九點就畀樓上嘅裝修聲嘈醒，所以要求換房。第一次換咗一間deluxe room，但係廁所喉管唔知點解不停發出吱吱聲，之後酒店再換另一間套房畀我。雖然連換兩次房，但係完全唔使我執行李，佢哋幫我執晒，酒店仲好有誠意，又送花、送道歉卡同送晚餐，check out時仲安排平治送我哋去機場添，所以今次旅程特別開心。」

不過返港不久，周倩圯又患上急性胃炎，但她笑言泰國的天氣很適合她，希望可以間中在當地長住一段日子。