鄭丹瑞昨日出席好友虞珠迪旗下品牌LeSportsac的活動，他表示最近忙於為其監製的電影做後期工作，他說：「套戲係由房祖名同薛凱琪（Fiona）主演，佢哋有好多愛情戲。（有冇親密接觸？）梗係有，愛情戲吖嘛，有好多浪漫鏡頭，佢兩個都好投入，好緊張同好在乎今次嘅演出。（你覺得佢哋似唔似一對情侶？）喺我眼中，佢哋係一對搗蛋嘅好朋友。（你覺得佢哋今次表現OK嘛？）何止OK，係精彩，有好大突破，有驚喜。部戲出年1月先上，我哋想去參加啲影展先。（參加咩影展？）依家申請緊，都係啲海外嘅影展。」