名模姚書軼（Mikki）昨日為Clinique活動擔任彩妝模特兒時，以白色吊帶裙上陣，明艷照人，原來Mikki剛剛從上海返港，抖足兩星期並叉足電。

Mikki表示自小由外公外婆湊大，故與他們感情比父母還要好，而最近她的外公因胃囊發炎而入院一個月，所以她專程返老家探望外公，一盡孝道，她說：「我要日日陪佢，公公九十一歲，愈大愈似細路仔，佢唔肯留院，又自己拔晒啲針頭，搞到流血，所以我要氹佢，叫佢聽醫生話，快啲出院，等我買多啲嘢食喺屋企等佢。」Mikki慶幸外公的身體情況尚算穩定，叫她放心。