平日多是小背心熱褲或短裙打扮的尹蓁晞（Yumi），昨日收起性感，穿上交通安全隊制服與師姐麥雅緻一同以交通安全大使身份拍攝宣傳硬照，Yumi表示首次穿上制服即有一股使命感。

對於周秀娜指袁彌明批評她是為博見報，Yumi無正面回應，只說：「總之好多o靚模都會講起周秀娜，因為佢近排好多新聞，我唔想再回應關於佢嘅嘢，不過攬枕唔係太好，內衣加上上面有啲污糟嘢，好似有啲奇怪，我唔係針對佢，我覺得o靚模風氣好快過。」

問到怎樣可以擺脫G模形象及令人記得她，Yumi說：「希望公司畀多啲工作機會我作唔同嘅發展，唔係淨係一個書展就無晒。（會唔會減少性感？）會呀，但都係睇番工作需要，如果大會要求又唔太過分都會配合。」