提起屋邨仔指定會着的膠製人字拖，必定勾起不少港人的童年回憶。

曾幾何時，一人一對人字拖，足以橫行整個屋邨。如今，經過一眾潮人及高級時裝品牌追捧後，被視為街坊裝的人字拖已搖身變成為潮流小物，其設計及顏色配搭更勝從前，平日出街或去沙灘着一樣得。難怪連o靚模A. Lin都大讚Good：「由細到大都愛着人字拖，尤其夏天，必定會着，方便又涼爽！」

人字拖變時裝

別以為平平無奇的人字形設計，玩不出花樣來。睇過戶外品牌Roxy、人字拖之王havaianas、運動潮牌Nike及adidas的貨色，就可以證明人字拖同樣跟得上時裝界的步伐。今季，人字拖不時在人字形搭帶上以鮮色、金屬及螢光色系作主要元素，有的更加入窩釘點綴，增添不少時尚味道。同時，鞋底印有各具特色的花花及幾何圖案，猶如一幅迷你掛畫，心思十足。

此外，部分設計務求搶眼突出，鞋底及人字形搭帶更大玩撞色配搭。A. Lin話：「以前的人字拖設計，大部分以淨色為主，難登大雅之堂，現在的設計則不同，潮得起，型得起。以havaianas為例，其中一款以發源地巴西作為設計靈感的藍×黃色人字拖，顏色好Sharp，非常有型！」

o靚模推介

睇完o靚模A. Lin示範沙灘人字拖後，仲未夠喉的話，即刻睇吓其餘幾位好姊妹Chrissie、Evelyn及Dada Lo今夏的沙灘人字拖推介啦。

Evelyn：「每到炎夏，沙灘人字拖是Must have item，個人比較喜歡淨色系列，貪佢易襯又襟興，非常百搭。顏色方面，愈Sharp色愈好，紫、藍、螢光粉紅或是橙色都是入手之選。」	havaianas橙色人字拖 $140（a）	Dada Lo：「入手沙灘人字拖，會選擇少女味的款式，當中最Buy黑底配搭粉紅色搭帶的設計，好似adidas今夏的出品，完全合晒我要求！」
adidas粉紅色條子搭帶×黑色人字拖 未定價（e）

拖鞋王排行榜
No.1 人字拖之王havaianas

來自巴西的人字拖之王havaianas，採用自家的天然橡膠及製鞋技術，使人字拖的質地柔韌有彈性兼耐用。

近幾年，其貨色風行全球，潮人指定着，本地潮店連卡佛、Delay no mall及西武都先後引入，部分鞋款更會作限定版於某間店舖發售。

藍色T字搭帶人字拖 $180（f）

綠×白色花花人字拖 $170（f）

No.2 戶外品牌Roxy

玩水上活動少不免整濕雙腳，有見及此，戶外品牌大多會推出人字拖照顧粉絲需要。以少女風格作為主要路線的Roxy，每季都有大量人字拖款式，今季就有一大堆印花及撞色系列，試問各位美少女點揀先？

紫色人字拖$240（b）

啡×花布人字拖 $250（b）

No.3 運動潮牌Nike、adidas

順應民意，運動潮牌adidas及Nike都向時裝品牌借鏡，趁夏日推出涼爽又舒適的人字拖。雖然款式較其他品牌簡約，但勝在設計略帶運動元素，相信可以搶回一批客路。

Nike螢光綠×黑色人字拖$149（c）

adidas紅×黑色花圖案人字拖 未定價（e）

邊度入手

身邊不少潮人問，想入手一對合心水的沙灘人字拖，到底可以喺邊度買得到。小記建議可到Roxy、havaianas、Nike及adidas的專門店走一轉。尤其臨近夏日，這些店舖為求力谷沙灘人字拖的銷量，會將它們放於當眼處，部分更會把一對對的人字拖掛滿牆上的陳列架，咩色咩圖案都有，等你任揀任試為止。這個親民式的自助任試服務，認真方便，值得一讚！

撰文：黃秀敏

攝影：方偉堅

模特兒：A. Lin（Jamcast）

查詢電話：（a） 2971 3821 （b） 2895 5891 （c） 2375 2175 （d） 2504 2186 （e） 2730 0157 （f） 2577 6988 （g） 2118 7777