來自Cheap星嘅Cheaperman本住「Cheap星精神，服務地球人」嘅宗旨，四出為大家搜羅至Cheap至抵嘅服務同貨品，今次Cheaperman又出動，去到佐敦寶靈街進行地氈式搜索，終於不負重任，仲執到寶添！

驚現特大魚蛋

Cheaperman收到隊長發出最新指令，指派Cheaperman到佐敦寶靈街搜集至抵情報，造福香港人。曾經到寶靈街一遊嘅朋友大概都知道，寶靈街基本上同油麻地廟街差不多，街道兩邊都設立好多攤檔，售賣各式貨物，價錢亦一樣大眾化，最適合普羅大眾入內逛。而Cheaperman今次初到寶靈街，發覺呢條街嘅攤檔以售賣服飾為主，特別係小朋友服裝特別款多質素靚，家長們就最啱睇喇！不過，正當仲未為人父嘅Cheaperman疑惑從何處收集至抵情報之際，一陣極之香濃，一聞就能夠令人分泌口水嘅氣味「襲擊」佢嘅嗅覺！究竟係何方神聖呢？

Cheaperman嘅Cheap星觸覺話畀自己知，呢股香味的確非比尋常，所以Cheaperman跟蹤香味來源，終於搵到一間街知巷聞嘅小食店！仲發現香味嘅來源，就係來自一窩咖喱魚蛋！令Cheaperman驚訝嘅並唔單止係咖喱魚蛋香氣濃郁，將自己所有感官神經喚醒，仲有就係呢間小食店嘅魚蛋大到好似乒乓波一樣！而價格卻係極抵，五大粒魚蛋只需要7蚊！再加上其他香港特色小食，如煎釀三寶、泰式魚餅、炸大腸、煎餃等等都香氣四溢，賣相吸引，令Cheaperman忍唔住要坐低一試！至於Cheaperman有甚麼食評呢？咁就要大家Click上ontv欣賞喇！

不怕風吹雨打

所謂貴人出門招風雨，Cheaperman品嘗完特色小食之後，突然落起大雨嚟，將冇帶備雨遮嘅Cheaperman殺得措手不及！幸好，不遠處有一間遮舖將Cheaperman拯救於危難當中，更令Cheaperman再有發現！因為呢間雨遮檔口開業十幾年，雨遮款式特多，仲把把都有名堂之外，雨遮嘅功能亦獨到又實用，例如一把學名孖頭遮嘅巨無霸，一次過可以遮到三四個人；另一把防風無敵遮更加係遮壇傑作，因為防風遮不畏風吹雨打，特製遮骨被強風吹反之後依然堅挺，可以繼續使用，絕對係香港風季之下嘅出街良伴！至於上述兩把遮以及其他特色雨遮有幾厲害？大家Click上ontv就一清二楚喇！

HotClick三甲
第一位：去除煙味話咁易

ontv新環節《就係咁易》一向為改善大家生活質素而努力，今次又為大家提供一個新發現！新禁煙條例實施之後，好多煙民都要走到大街上吞雲吐霧，所以好多非煙民行過街道嘅時候，特別係行經如旺角一類繁忙街道之時，身上嘅衣物唔多唔少都沾上煙味。若果發現衣物之上有一股難聞煙味又可以點做呢？答案只需要一個風筒就得喇！至於點樣運用風筒除煙味，大家就要Click上ontv睇吓喇！

第二位：健康飲食防大腸癌

雖然話生老病死係人生必經階段，但係相信大家都想無病無痛安享晚年，不過，事實上有好多疾病專門向已經上年紀嘅朋友埋手，就好似近年一躍成為香港癌症第二號殺手嘅大腸癌咁，每年新症個案超過二千，大部份患者為五十歲以上人士。然而，即使係年輕人，對大腸癌亦不可以輕視，而為咗預防大腸癌，ontv嘅《醫健寶庫》系列就專程為大家提供健康飲食貼士，大家不妨參考一下。

第三位：寶寶飲食安排

小朋友係社會未來棟樑，所以要細心呵護，除咗平日要注意其環境安全之外，小嬰兒嘅飲食安排亦同樣要留心。為香港市民健康着想嘅《醫健寶庫之寶寶的膳食安排》就請來兒科專科醫生，為初為人父母嘅家長們提供寶寶嘅健康飲食貼士，click上去參考一下就唔會再為寶寶嘅飲食而煩惱啦！

撰文：崔敬賢