近期靚模湧現，不停出席活動又出寫真造勢，令不少本地名靚模工作量下降，陳柏霖女友Mandy Lieu前晚行時裝騷，指模拍寫真帶給觀眾不少視覺效果，對自己未能拍寫真有點不是味兒！

前晚香港時裝節，請得陳碧舸、Mandy Lieu、Rosemary、Ana R.等名模行騷，久未在時裝騷出現的Mandy大讚設計師的服裝漂亮。對於近期靚模湧現她不覺是競爭，反說有錢齊齊搵，目前經濟不景靚模明顯搶了不少飯碗？她說：「咁咪齊齊分，市道唔好分少啲，等市道好時咪分多啲，我同佢哋年紀都唔同，唔覺得被搶飯碗，唔同model有唔同賣點。」

「大家多啲靚嘢睇」

靚模曾被指賣弄性感，會否覺得整cheap模界？Mandy說：「咁講好慘，都係為咗大家有更多靚嘢睇。（成日着泳衣？）夏天梗係着泳衣啦！」記者反問她何以不穿泳衣？她即以笑迴避。對靚模蜂擁出寫真集，Mandy大表贊成叫好：「大家有多啲靚相睇，但就冇人搵我拍。」她被記者笑言老了，Mandy即啞口無言，卻說若有靚模的寫真集推出都會捧場，亦不介意男友陳柏霖睇靚女寫真集，不過她承認分不清一眾靚模：「我只識Kama，其他靚模同場做過騷但講唔到佢哋個名。」

Mandy眼見靚模蜂擁出寫真，自己亦想趁青春留倩影。（資料圖片）	Rosemary行騷，一貫的台型十足！	Mandy（左）與設計師及女模齊齊謝幕。

陳碧舸不心急擇偶

有份行騷的陳碧舸，其父母來港遊玩專程給女兒捧場，令陳碧舸很開心，單身在港發展的她，父母少不免會擔心，亦關注她的感情，陳碧舸說：「佢哋對我有信心會識到好男仔，若果我到卅歲仲未有男朋友，父母就會做紅娘，依家未有需要。」其擇偶條件，只要身高一米八就OK。

文：名人組