楊采妮（Charlie）前晚為好友Freda餐廳剪綵，即場還試飲試食，她說：「我哋由細識到大，係打羽毛球朋友，佢細個已經話要開餐廳，我冇諗過佢會夢想成真。（贊助你一世食免費餐？）我諗都會！（你有冇入股？）咁又冇！」
Charlie又透露已閉關四個月寫劇本，由彭順擔任監製，戲名為《聖誕玫瑰》，將於今年尾或明年初於香港開拍，她說：「我係以投稿方式寄去亞洲電影投資會，過咗幾關先通過，個主題關於時裝，係有人生話題。未定演員，但有角色啱朋友嘅，都會搵佢哋，總之我自己演員出身，我都希望可以令每個演員有發揮機會。（對票房有冇信心？）彭順叫我專心揀好每個角色，其他嘢唔好諗！」
