已故馬主明嘉福兒子明肇豐（Stephen）向來家庭觀念極重，每逢假期，例必放下工作，與子女共享天倫。

早前他就與妹妹明美連（Sonia）趁假期帶子女到加拿大著名滑雪勝地Whistler學滑雪，一星期多已花了六位數字，Stephen卻表示值得：「賺錢辛苦，但見到對仔女開心，幾辛苦都值得！我對仔女加埋Sonia兩個女一齊學滑雪三日，學費逐日計，每日差唔多使五千蚊港幣。個仔子俊同佢哋唔同class，因為佢三歲已學滑雪，依家好叻；而個女係第一次，但相比下，個女叻過個仔，因為佢冇喊，仲好大膽，跌完起身再試過，仲話要學識衝落山添！」

明美連大女Claudia的滑雪技巧有板有眼。	明肇豐與妹妹明美連（左）每年都會返溫哥華探親，並順道滑雪。	明肇豐的一對子女與明美連一雙女兒年紀相若，老友鬼鬼。

朝九晚八

他又表示：「繼Whistler雪山之後，我哋再去另一個雪山Grouse mountain滑雪，呢度離加拿大間屋好近，只需八分鐘車程，我哋由朝九滑到晚八！」不過有苦自己知，Stephen病足全程，但仍堅持每天到雪山看仔女上堂，還充當攝影師，拍下珍貴片段，認真廿四孝。