周麗淇（Niki）日前出席活動時，表示平日最享受駕駛感覺，笑言遊車河拍拖是最便宜的情侶活動：「尤其是坐住開篷車拍拖，吹住風傾偈好舒服，不過坐開篷車記住唔好化行妝set晒頭坐囉，我試過着到好靚、化晒妝咁坐開篷車，點知畀啲風吹到個頭亂晒，好掃興！」

以性感露背裝到場的譚凱琪（Zoe）則謂曾試過駕駛時與的士相撞，留下陰影，她說：「如果有男朋友就最好啦，可以車埋我嘛。」

談到前男友丁子高與楊千嬅傳出婚訊，Zoe笑說：「話六月嘛，睇埋今個月咪會揭曉囉！（仲有冇聯絡？）自從之前出嚟畀人影過之後我哋就冇咗聯絡，（驚千嬅呷醋？）咁正常都要尊重另一半嘅，更何況傳佢哋講到結婚咁認真。」