名模姚書軼（Mikki）為與男友Sunny重拾初戀感覺，決與同居男友暫時「分居」，兩口子感情有增無減，Mikki還笑言男友常擔心她會帶異性返香閨，故常給她奪命追魂call。
昨日Mikki為佳士得珠寶及手錶拍賣預展擔任模特兒，其中最貴一條鑽石項鏈高達約三千萬元，不過Mikki卻謂更愛翡翠首飾，她說：「我由細到大都鍾意翡翠，戴咗心境好平靜，（叫男友用翡翠戒指求婚？）冇問題呀，好有心思！」談到兩人的「分居」生活，Mikki坦言已完全適應：「其實都幾開心，多咗好多私人空間，我哋講電話頻密咗好多。（驚唔驚佢帶女上新屋偷食？）好似佢擔心我多啲，成日打電話check住我。」另外，對有模特兒被邀到酒店開房，Mikki愕然說：「好驚喎，如果對方約喺酒店一定唔會去。」