汪詩詩的女兒Jasmine與郭錦恩的女兒Red雖然年紀輕輕，不過面對鏡頭卻絕不怯場，下月更將為百家寶集團與Prestique合辦的兒童慈善心嘉年華上行騷。兩位愛美的小公主早前一起往時裝店Ginger Bread揀衫作準備，更即互相研究甫士騷靚衫，甚有功架，比得上專業model！汪詩詩笑囡囡愛當模特兒︰「我有次同佢講不如你大個做醫生，咁媽咪老咗有病你就可以幫媽咪，點知佢話由細佬做醫生，佢就做模特兒，咁媽咪就唔怕無靚衫着！」
至於正在換牙的Red亦一樣愛美，郭錦恩說︰「佢好有主見，仲貪靚過我，擺甫士自然過我。不過我想佢專注學好一樣嘢先，好似佢節奏感好，跳舞叻，如果第日佢要做舞蹈員我都唔反對。」
