呢個世界有太多想你死的人，其實你同佢無冤無仇，又無得罪過佢，佢仲可能是你合作過合作開甚至乎合作緊的同事朋友，不過原來佢一直都睇你唔順眼……講真，呢類想你死的人其實行行都有，一個招牌跌落街，可能已經砸死幾十個，唔使咁大驚小怪，只不過是你察覺唔到，仲真心當佢係好人好好人，你唔會知點解佢會想你死？你亦毋須內疚自責究竟自己做過啲咩嘢令佢咁憎你，我只可以講：因為你同佢哋唔同類，其實睇一個人唔順眼好容易，唔鍾意咪唔鍾意囉，因為我們都有權選擇，你同我隨時都可以選擇唔鍾意一個人，毋須任何理由……
其實可能你自己一直都知佢的存在，就算你唔知都應該感覺到，信吓自己的第六感，唔會錯得去邊！又或者可以咁講，呢個世界真係好奇妙，總有人會講番話番畀你知唔鍾意你想你死，呢啲咪叫天網恢恢，尤其是冤案，無端端有人憎你同想你死仲唔叫冤案呀？
呢類人其實我就最睇唔起，因為唔夠光明正大，夠膽就同我三口六面講清楚，唔好喺人背後造謠生事……明唔明白呀？你，你，同埋你！
時裝設計師