羅傑承撐太太做善事

羅傑承的太太梁芷珊首次出任保良局總理，昨日是保良局新一屆董事會交代就職典禮，羅傑承特地抽空陪伴太太出席，支持太太出任總理做善事，問他何以不做總理？羅生說：「我冇資格，太太比較得閒啲，好似話可以做義工教小朋友寫作，太太好鍾意做呢啲㗎。（佢同你結婚之後好似封筆咁？）唔係，佢都有寫專欄，工作都好忙，不過都有時間做善事嘅。（金融海嘯會唔會影響你捐錢？）唔會，盡力啦。」

對太太有求必應

同場的賭王何鴻燊及四太梁安琪完全沒有受林依麗入稟高院事件影響，賭王揚言任何時候都支持太太，一如黃大仙般有求必應，他更指林依麗思想過時：「佢根本應該係一百年前出世就啱，依家世界變咗，喺港澳有冇見過一個男人可以帶住四位太太出去應酬？社會唔同咗，睇化晒喇。」

何鴻燊陪四太出席就職典禮。

陳小寶與陳細潔結伴同行。