Ana R.有意五月到美國探望家人，其母指經濟不景氣，當地扒手橫行，為免危險勸喻她勿來；思鄉情切的Ana笑言要急急找個護花使者同行！
昨日香港華光功德會X Ztampz、bread n butter及Ginger Bread呈獻「愛心點滴花生騷」，大會請來汪詩詩與女兒、梁嘉琪、羽翹及楊洛婷等出席活動。
開心享受約會
其中Ana看到詩詩女兒即說很喜歡小朋友：「我一定會生BB，但唔係依家，因為有咗我就要停晒所有工作，最重要係搵個老公先。」問她與六呎新歡男的進展？Ana即甜笑說：「我唔會講感情生活，總之我依家好開心，好享受約會。」
詩詩將訪四川
Ana又說計劃五月到美國探望家人，惜因當地治安混亂而猶豫：「媽咪話嗰邊多咗好多扒手，佢擔心我一個女仔嘅安全，佢話都係亞洲最安全！（搵個護花男？）係呀，要盡快搵個護花使者先可以返屋企。」
此外，汪詩詩透露五月會到四川探訪，她說：「我覺得自己好幸福，一直都想做善事，但好細個就結婚生仔，其實老公都擔心我危險唔想我去，但難得有機會我都想去探訪吓。」詩詩大讚五歲的女兒甄濟如很懂事，每年生日收到的玩具都願意捐到慈善機構送給有需要的小朋友，令她很安慰！
文：名人組