小散戶:去美市短炒抵啲

政府將上調股票印花稅,被抨擊是「趕客」,皆因大型中資股都有於美股或以美股預託證券(ADR)形式掛牌,例如阿里巴巴(美股代號:BABA)及小米集團的美股ADR。潘小姐說:「我本身買開美股,依家(香港)加稅對散戶當然有影響啦!再者,本身港股都升得唔多,依家隻隻熱門股都有ADR同喺美股上市,短期做買賣都係美股抵啲。」

板塊輪動影響更大

資深投資者梁帥聰(Clement)則表示,「加印花稅對散戶嚟講影響唔大,因為印花稅其實佔股票嘅成本好小,反而新舊經濟股資金交替對佢哋影響更大。」

而「荃灣股神」陳志強指出,「一般股民及基金大戶不會斤斤計較呢啲濕碎錢,再者,多年前政府曾減過印花稅,依家根據經濟問題及市場需求而加價無太大問題,北水只會繼續一條龍衝落嚟。」