絲絲講場：渣打捐食物包送暖

話晒Ben同Mary都落場，又點少得其他同事呢，聞說好多同事都響應參與，仲自行捐贈食物去指定嘅非政府機構服務單位。

第一階段派發上星期已完成，主要對象喺舊年成功申請同埋已獲發「渣打社聯劏房住戶租金資助計劃」租金資助，或住喺劏房嘅學生資助計劃非綜援受助家庭。據聞第二階段派發將會喺今個月16號開始，對象會伸延至其他住喺劏房，同時有個別需要嘅家庭。

宏利夥社企搞「日行一膳」

其實，除咗直接送贈食物之外，仲可以透過做運動行善（口架）。宏利保險與社會企業「銀杏館」搞咗個「日行一膳」嘅挑戰，喺農曆新年期間分兩階段進行，每個階段為期4日。

所有宏利MOVE會員只要喺每個挑戰階段總共行夠1.8億步，宏利就會向低收入長者及無家者捐出1,100份膳食。兩個階段達標後，累計可在新春期間將2,200份膳食送畀有需要人士，做運動之餘仲可以幫人，何樂而不為呢？

余絲韻