獅王曾失守「世紀供股價」

有「元朗股神」之稱的曾錦安，近年已較少沾手股票，但也為身邊有持股的朋友不值。

小股東高追累輸百萬

他指：「滙控近日狂瀉，估佢仲會有終極一跌。我有個朋友喺○八年高位買咗一萬股滙控，一路唔肯止蝕，依家蝕咗成百萬元！」他重申：「依家滙控好弱勢，所謂『豬八戒照鏡，裏外不是人』，續受中美雙方打擊。依家股價弱成咁，淨收息的話，要數十年先回到本，而且依家息都無得收。」

一向是滙控「粉絲」的散戶禤先生：「我早前約37蚊放咗喇，唔睇好。如果佢跌到落22蚊，先考慮吓買番。」

網民昨熱烈討論滙控「底價」，有人昨早指：「28蚊超級鈦合金底，無可能穿」，怎料即日要認輸。另有網民回應：「若外圍再有事發生，20至22蚊可能係鐵底」。