低撈鐵塔 切忌心急
至於後市會唔會下試50天線24,500點？老古都估唔到，話晒由近日高位已回調逾1,800點，隨時有機會反彈，只能見步行步。
個股方面，中國鐵塔（00788）近日受制美國制裁華為的陰霾，股價走弱。大行野村報告指，內地電訊商今年希望增加68萬個5G基站，料鐵塔可受惠，維持其「買入」評級，目標價2.15元。再睇走勢，老古提過買鐵塔唔使心急，因該股由去年底起營造大型頭肩頂向下，上月中曾跌穿頸線1.5元，六月底低見1.37元；鐵塔尋日跌逾2%，收報1.44元，若跌穿上次低位1.37元，好大機會回試1.2元水平，屆時再博反彈。
古勝