新冠肺炎令全球陷入衰退，企業可能出現破產潮。面對艱難前景，就更要做好自己！其中，唔好睇少一啲生活小惡習，隨時係傾家蕩產嘅導火線！絲絲就幫大家整理咗以下16個習慣，想做成功人士，唔該要做齊佢！
1.信用卡還錢要找全數：信用卡利息一向好高，呢個惡習喺「疫」市下，只會更加容易招致破產。
2.了解另一半財政狀況：莫講話聯名戶口，即使係財政獨立，都唔可以完全唔理另一半嘅財政狀況。到出事嗰陣時，絕不能置身事外。
3.出街找贖唔怕袋散紙：「疫」市之下最怕收到硬幣或者小額鈔票，所以懶得找贖？又或者諗住「豪」一次？但要謹記！小數怕長計。
4.買定保險 出事有幫補：無買保險，一旦受傷或者患病，甚至染疫，既會影響收入，仲要使錢去治療，「小財唔出」負擔反而更多。
5.莫貪圖優惠 應使則使：成為某一個牌子嘅忠實Fans或者可以享有特殊折扣，但嗰啲優惠，只可能會令你愈使愈多無謂錢！
6.準備充足 省多餘使費：做人最緊要時刻做好準備！例如落雨出街要拎定把遮，又或者避免遲咗起身要Call的士返工等。
7.主動打理強積金戶口：政治同經濟息息相關，作為打工仔，更加需要主動管理強積金（MPF）戶口。
8.小數拉長計 慳得就慳：特色咖啡同埋普通咖啡，價錢差別雖然只係少少，但日日爭少少，按複息計算，計足十年個數字就好得人驚！
9.參加健身會籍前三思：喺參加任何健身會籍之前，要諗清楚自己係咪真係有時間同恒心，尤其係無人知道疫情幾時先會徹底完結。
10.囤積物資要羅列清單：疫情之下，或多或少都要囤積物資，但若然無準備到購物清單，就好易會出事，不知不覺會買咗一件又一件。
11.買嘢應杜絕一時衝動：購物時請杜絕一時衝動，例如喺收銀櫃台隨手買多一包香口膠係小事，但長久就會變成習慣，愈買愈貴就係大事，尤其係時下興起嘅網購。
12.須留意網上串流月費：疫情搞到大家無得周圍去，留喺屋企用電話多咗，激發手機使用量，但網上串流容易令人愈買愈多。
13.購入二手車更加划算：車嘅最主要作用係代步，何必一定要買新呢？其實買架二手車仲划算得多。
14.留意隱形支出 要格價：「隱形支出」即係保費、按息之類，往往好容易被忽略，每年格一次價，就可以慳番唔少，尤其銀行嚟緊有機會加按息。
15.知道自己啲錢去咗邊：即使唔係每件事都有具體預算，但至少要知道自己啲錢使去邊、使咗幾多、同埋淨番幾多，呢啲都係理財基本。
16.儲定應急錢免失預算：「疫」境下最怕禍不單行，好似係屋企爆水管、架車壞咗要去整等。為免失預算，須儲備足夠幾個月嘅開支作為應急錢。
余絲韻