散戶入貨的抉擇

騰訊控股股價直指五百元大關，不過散戶普遍「畏高」不敢追入，寧可買較落後的阿里巴巴（09988）。

散戶蔡小姐話：「依家騰訊咁貴，梗係唔買！佢之前曾經拆股，真正嘅股價更加高，所以我冇買騰訊，但就持有阿里巴巴，喺180至210幾元之間唔同位都買咗少少，暫時帳面都有賺。」

散戶鄧先生指：「之前喺股價400多元、440多元走咗兩轉騰訊都有賺，之後就冇再買番。騰訊創咗新高後，我唔會追，因騰訊市盈率好貴，咁多股買唔一定要買佢，寧願轉買一些收息股穩陣啲。」

散戶Edwin指：「有諗過追嘅，但如果買就唔買正股，應該會買衍生工具，因正股始終本金大，但潛在回報唔高。騰訊下一站一定係500元，之後睇吓500元企唔企得穩先，如果企唔穩嘅話，佢跌返落450元可以考慮再買過。