絲絲講場：貼中美暴動 「末日博士」估全球冧市
曾經準確預測○八年金融海嘯嘅「末日博士」魯比尼，原來早喺三月已預測到美國會發生示威暴動。而佢最新嘅預測係全球冧市會喺今年底發生，所以強烈建議大家揸多啲現金！
年底瀉四成 嗌揸現金
魯比尼早喺三月份嘅一篇專欄文章中就寫過，美國會出現徹底暴力和社會混亂嘅可能性，預測美國將會發生內亂。而近期明尼蘇達州黑人遭到白人警員暴力壓頸致死，就引發美國多州暴動示威。的確經濟、股市同埋政治係不可分離！
一向係淡友嘅魯比尼更直言，今年年底全球股市將會冧四成，而全球經濟即將陷入大蕭條，所以佢建議投資者要Hold大量現金，而唔係股票！
信唔信就由你啦，尤其係當港股氣色又再轉好之時，散戶們一定覺得啲大戶又嚟嚇鬼！
余絲韻