絲絲講場：巨企商標潛藏成功密碼
一間公司係咪成功，唔單只睇老闆嘅腦筋，一個令人記憶猶新嘅商標（即Logo）都好緊要，商標唔可以太複雜，但簡單線條就帶嚟「深層寓意」！其實，唔少國際巨企嘅商標，都係隱藏着重要訊息，以下嘅商標你睇得明當中嘅寓意嗎？
FedEx箭嘴象徵快且準
FedEx嘅Logo看似簡單，但仔細睇睇，你會睇到「Ex」當中嘅「E和x之間」嘅空白處，係咪有一個「白色箭嘴」呢？原來佢象徵FedEx嘅速度與準確度！據說，全球只有大約1/5人，能在沒有任何提示下，睇得到有個「箭嘴」。
亞馬遜期盼顧客笑晒口
亞馬遜（Amazon）Logo上黃色箭嘴不只係裝飾，箭嘴係由A指向Z，代表亞馬遜所賣嘅商品「從A到Z」，即係由頭賣到尾、應有盡有。而且箭嘴同時代表顧客會得到滿足嘅笑容。如今亞馬遜市值雖有滑落，但市值仍有11,552億美元，股東就絕對笑得落！
IBM速度與活力「附體」
國際商業機器（IBM）最早係以打字機起家，所以Logo中刻意模擬打字機所打出來嘅字體，係一間一間嘅。而嗰8條橫線可讓人輕易認出來，意義係「速度」和「活力」。的確IBM係疫市奇葩，股價四月份就升逾13%。
TOBLERONE發迹於「熊的城市」
瑞士三角朱古力TOBLERONE係起源自瑞士嘅伯爾尼（Bern），伯爾尼有時又被稱做熊嘅城市（The City of Bears），所以公司將呢個idea融入咗Logo嘅設計之中。如果你仔細睇，上面嘅山峰裏面藏着一隻側身嘅熊。
家樂福代表十字街頭法味濃
家樂福原文Carrefour在法語裏指嘅係十字路口（Crossroads），因此Logo係由兩個相反方向嘅箭頭所組成。此外，箭頭間嘅空白處也襯托出一個隱形嘅C，象徵家樂福。
VAIO形同數碼科技脈搏
SONY旗下嘅VAIO係隨處可見嘅Notebook品牌，但你知道點解要取呢個名字嗎？VAIO四個字母嘅靈感來源充滿了科技感！VA呢兩個字母相連代表波浪狀嘅虛擬信號，而IO其實係代表數碼信號1與0。
余絲韻