理財Campus：經濟危危乎 散戶點部署?

事實上，香港本地生產總值（GDP）已連續兩季錄得按年下滑，確認出現衰退，若全球經濟同時陷入衰退，香港似乎會更加危危乎，究竟小市民怎算好？原來不同年齡層的香港人已在投資市場作出部署，更會這樣看衰退……

90後散戶：瞄準Chok市 沽空期指

Dominic指，「經濟出現衰退危機，就係畀有能力嘅人突圍最好時機。近日股市大幅波動，有好多水位畀人賺錢。我最近都頻頻沽空期指，累積賺咗超過一萬元，啲錢正好用嚟買大量防疫口罩及消毒藥水抗疫。」

90後全職投資者 Perry

70後散戶 Paul

而被華爾街視為「恐慌指數」的VIX波動指數上月一度衝上85.47水平，逼近二○○八年金融海嘯89.53的高位。不過，他認為自己有良好的投資心理質素，能輕鬆駕馭波動市。

72歲散戶：心態平和勿影響生活

李生認為，「投資者賺唔賺到錢，就係定義經濟好壞嘅最佳指標。自從各國央行有無限量量化寬鬆呢一招式，控制市場資金流，經濟周期已被打亂，所以再唔應該以繁榮、衰退或蕭條去區分。」他續說，早前美國總統特朗普提議向美國民眾，每人派發一千美元現金，能夠直接為市民解決燃眉之急，相信美國會很快渡過難關。

話雖如此，掌握入市時機仍非常重要。他早前沽出恒生銀行（00011）認沽期權，因買錯方向而蝕錢，「個市勁插，真係好難唔輸。」但他仍然能夠處之泰然，全因炒股並非為餬口，輸錢都不影響生活。

90後全職投資者：全揸現金 吼低位買貨

Perry表示，「我覺得經濟好快可以復原，衰退唔會持續好耐，更唔使講會出現蕭條。」他續說，一九九八年亞洲金融風暴至二○○三年沙士期間才算蕭條，當時樓市大冧，失業率攀升至逾8%，市民對經濟前景不樂觀，消費意欲幾乎是零，只有民生必需消費。但目前疫情衝擊經濟，樓市仍然高企，失業率僅微升至二月份的3.7%。旅客減少的確少了高端消費群，但部分餐廳仍做到生意。

他目前全數持有現金，指不急於入市，會等待指數每日波幅維持2至3%時，確定見底後才再追入。他有意買入美國生物科技股及5G概念股，例如American Tower Corp（美股：AMT）。港股方面，他吼實大快活集團（00052），望股價稍後會與大市同步向上。

而愛股多過愛樓的他，坦言不想被樓綁死，儘管在低息環境供樓負擔較細，但身為全職投資者無固定收入，衡量風險回報後，認為不值博。

70後散戶：強積金變陣 撈入港股

散戶Paul認為，「經濟衰退令大部分打工仔收入減少，亦擔心飯碗不保。我的收入都減少一成。」他從事建築行業，坦言受疫情影響，行內有減薪及炒人，但相比飲食及零售等重災區，行內失業率未算太嚴重。他對後市仍然樂觀，認為疫情會逐步受控，若內地經濟復原得快，亦可帶挈香港經濟轉好。

觀乎港股從高位大幅回落，他說，「港股再跌空間有限，依家係入市儲貨好機會！我已將部分強積金資金轉買香港股票基金。」

他亦持有不少比特幣，看好其長線升值潛力，並會留作兒子的讀書基金。另有部分資金敍做港元及人民幣定存，以求賺息兼保本，作未來移民的資金。