絲絲講場：慈善基金力撐「停課不停學」
呢排學生們能夠停課不停學，全靠熱心機構喺背後幫助！由信和集團於二○一○年成立嘅黃廷方慈善基金與香港創新基金，就為基層家庭兒童於停課期間提供教育支援。
捐教學玩具予基層學童
基金透過11個社區夥伴，向居住劏房和板間房，以及有特殊健康需要兒童，捐贈1,000份教學玩具，希望透過有趣學習幫助兒童發展。
依家同學仔停課，學校就採用網上教學，畀學生於停課期間可以繼續上學。所以，香港創新基金送出1,000張流動數據卡，每張容量50GB，有效期365天，透過12個社福機構及小學贈予基層家庭學童，幫助同學仔喺呢段期間進行網上學習。流動數據卡獲中國移動香港支持，以優惠價格購買。另外，香港創新基金仲借出逾100部手提電腦/平板電腦，畀未能購置電腦嘅學童。
黃廷方慈善基金董事暨香港創新基金主席黃永光就講，持續學習在這階段對兒童嘅成長和發展非常重要和關鍵，好高興能夠與志同道合的夥伴一齊努力，以各種方式助兒童持續學習。
余絲韻