絲絲講場：港交所敲鑼倡性別平等
你以為上市先有鑼敲？真係要講番句「你實在太年輕了」。原來喺三八婦女節，香港交易所（00388）慣常以 「敲鑼」儀式慶祝，以提倡性別平等。適逢今年「三八」係星期日，儀式延至昨日舉行，而今年仲係全球73家交易所連續第六年齊齊敲鑼添！
港交所近年積極推動性別平等！唔係得把口，例如史美倫兩年前成為該所首位女主席，而旗下倫敦金屬交易所（LME）去年都有首位女主席Gay Evans上任。
唔講唔知，港交所入面有43%員工為女性，管理層仲係38%係女性，按年增加17%！
港交所都好鼓勵上市公司提倡多元化！近年推出新上市規則，如要求上市公司解釋董事局成員只有單一性別嘅原因，上市部亦有提供有關董事會多元化嘅相關培訓等。
余絲韻