絲絲講場：興業物聯主席隔空賀首掛

原來又跟新冠肺炎疫情問題有關，因管理層忙住喺河南同客戶打「防疫戰」，加上地區交通有所限制，所以無嚟香港。不過，公司管理層一早就做晒安排，錄定短片喺上市儀式上播。主席兼行政總裁朱杰喺片段中講，喺香港上市係公司發展里程碑，有助提升市佔率。

燁星旺爆 超購近二千倍

據了解，公司仲安排咗在港嘅公關公司人員喺現場拍攝，自製「網上上市儀式」，用科技解決問題！管理層唔到，咁咪無人敲鑼？唔使擔心，公司委託咗母企正商實業首席財務總監兼聯席公司秘書郭柏成，以及上市保薦人中泰國際投融資總監韓冬做代表，鑼聲一樣夠響夠大！

受昨日股市大跌影響，興業開市較招股價潛水逾9%，最終收報收市報2.03元，僅升2.01%，一手帳賺80元。

除咗管理層未能現身令人估唔到之外，原本以超購1,413倍膺今年新股「超購王」寶座嘅興業，一日之間又被另一間物管公司燁星集團（01941）搶咗寶座。消息透露，燁星公開發售超購近二千倍，成為歷來超購榜上第七名！

余絲韻