黃埔「無人吼」睇樓量瀉九成
新型肺炎爆發癱瘓二手市，紅磡黃埔花園率先成為重災區，本月睇樓量急瀉八至九成，最平入場盤都「無人吼」。當中出現疫症患者的11期1座，昨即錄一個兩房放盤，叫價大劈逾50萬元，最新開價低於八球。
太陽物業宏惠強表示，黃埔花園本月仍未發市，新年前業主要求睇樓客戴口罩睇樓，近日索性關門。而準買家對上述期數單位都「耍手擰頭」。他又稱，該屋苑2期15座兩房單位，去年開價735萬元，上月減至628萬元為項目入場盤，仍然無人問津。市場消息稱，該盤5期2座另一個實用面積約500方呎放盤，叫價亦由890萬元，減至850萬元。
半山壹號劈300萬求售
另方面，同樣有確診患者的何文田半山壹號，美聯鄭桂鈺指，該盤願意減價業主數目增加。其中半山徑30號中層單位，開價減300萬元，現以3,300萬元放售。
樓市近日持續有業主劈至低價出貨。該行方吉和表示，東涌映灣園7座中層G室套三房無樓睇單位，實用面積736方呎，去年四月開價950萬元，早前已減至800萬元。
映灣園10日賣平一球
由於疫情嚴重，該映灣園單位終再劈至718萬元，約十日賣平一球，售予外區換樓客，低市價逾10%，呎價9,755元。
市區樓都錄低價，香港置業譚征指，牛頭角得寶花園F座頂層連天台單位售505萬元，較一八年同類型單位再平近70萬元。