絲絲講場：滙豐Banker織冷衫送暖

天氣涼浸浸，織番件冷衫着吓就啱晒！唔少滙豐Banker係呢個冬天加入「毛毛拯救隊」，化身做「織男」、「織女」。絲絲八到，滙豐有成40個唔同部門與職級嘅Banker，由十月開始，逢星期五Lunch都搞編織班，大家一齊織頸巾同冷帽，織完送畀長者添！

原來成衣製作過程會產生唔少剩餘物料，唔處理就會成為廢料。製衣業訓練局每年都會向廠商等收集剩餘毛冷、綿線等，捐畀唔同慈善機構。一班滙豐Banker就用呢啲剩餘嘅毛冷改造嚟織頸巾同冷帽。

搞鬼嘅係，原來唔少滙豐義工係唔識織嘢，但最緊要有心，經過幾個禮拜速成班，兩個幾月內共完成120件製成品，聽講會喺冬至前送出。

余絲韻