絲絲講場：股壇老行尊大爆40年恩怨

「四會」搶市佔 張天生調停

話說當年「四會年代」由已故「股壇教父」李福兆領導嘅「遠東會」為爭更大份額，想同「香港會」合併，但消息傳到張天生耳中，佢馬上告知「金銀會」，後更通知傳媒，結果合併單嘢「見光死」！

之後，「金銀會」提出可以越會買賣，即係兩個會可在市場睇到對方行情。當時就有意見認為，應成立一個聯誼會方便行家溝通，張天生於是聯絡「四會」代表，證券經紀業協會（即證券業協會前稱）就係咁於一九七八年註冊。

點知，後來「金銀會」為咗鞏固地位，又研究與「香港會」合併。由於場地容納問題，張天生要求開大會議決，結果成功反對「金銀會」搬遷，合併嘅事就此告吹。籌備證券業協會一事更因為咁停頓落嚟，差啲仲胎死腹中。要到七九年，張天生先再次召集「四會」代表成立協會。

轉眼間已四十年，呢啲恩怨早已過去，張天生只希望協會百尺竿頭、更進一步！

余絲韻