作為香港「央行」嘅金融管理局，佢哋網站有個大更新，一洗過去以黑、白、紫三種顏色為主色的沉悶感覺，成個設計耳目一新，尤其是收集市民硬幣嘅收銀車停泊位置，更清楚地列出嚟，以後唔使再左搵右搵喇。
不得不提，金管局加入埋「智醒消費者」新專頁，呢幾年銀行嘅產品推陳出新、五花八門，加上虛擬銀行將會陸續推出服務，新專頁提供咗唔同嘅銀行資訊同「智醒錦囊」，有咁多貼士，應該可幫到小市民做個精明嘅消費者。
唔少人都話金管局嘅資訊好難明，一般小市民好難去理解，今次大變革仲加入咗唔少圖像、圖表同短片，應該可以幫大家更容易去理解金融概念！
余絲韻