關於迷你店計劃，宜家家居早喺一六年和一七年就將店舖縮細試業，喺內地溫州和北京開設面積約1,800至3,000平方米嘅PUP店（Pick Up & Order Point，即提貨中心）。而舊年十二月，宜家家居喺台灣鬧市開咗兩家快閃「百元店」，面積約300平方米，迷你店主要售賣高頻使用、價格低廉嘅小物件，吸引年輕人嘅目光。
明春日本開迷你舖
而公司嘅最新計劃，就係明年春季喺日本開設東京原宿首家店舖，面積預計約2,500平方米，都屬於迷你店，呢間店將瞄準下班途中嘅商務人士市場。
另方面，宜家家居正式踩入傢俬租賃市場，喺指定租期內，循環出租桌椅等家具，以增加新嘅收入來源。