美國總統特朗普將香港政治問題與中美貿易戰掛鈎，兩大因素均對香港前景起重大影響，但今次可謂福禍難料，幸好港股反應都算係咁，上周四及五連彈兩日，恒指從上周四24,899點彈到上周五收報25,734點，與10日線25,782點僅一步之遙，氣氛與走勢確有改善迹象。
不過，大家要留意的是，侵侵一向反口覆舌，今日講完明天又可以唔算數，港股氣氛短期雖然有改善，加上技術指標顯示恒指短期或在反彈（14日RSI從八月十三日的18彈至上周五的29），但中美貿易戰一日未完，大家都不可以掉以輕心。
另外，正如早前所言，美國在經濟隨時面臨衰退下，減息機會增加將有利本地地產股，但政府同時將本地經濟增長預測下調到0至0.1%，即接近無增長，再考慮到本港樓市受內憂外患打擊，所以都係建議大家當本地地產股隱形，睇少一瓣算數。
策略上，如果真心博港股見短期底部，應該將重心放在重磅股身上，可惜騰訊（00700）出完中期業績後隨即被大行唱淡，股價又彈都唔彈，前景一般。另一重磅股建行（00939）受累A股無力、內地經濟前景不穩，未來隨時有國家任務，增加壞帳上升風險，以及人民幣貶值所引發重新估值等種種不利因素。整個內銀板塊走勢亦見持續弱勢。
反之，港股晴雨表港交所（00388）已連彈兩日，相信港股後市如果繼續反彈，佢都一定有運行，上周五股價收報245元，率先重上10日線（約242元），短期若能在成交配合下上破250日線（約245.4元），上升動力勢加強，可小注試買，目標價睇20日線（約253元），跌穿10日線止蝕，一於以小博大！
古勝