最叻發掘人才
喬布斯係蘋果公司（Apple Inc.）聯合創始人兼前任CEO，一一年死於胰臟癌。所謂識英雄重英雄，蓋茨對呢個競爭對手評價相當高：「喺發掘賢能及激發他人潛能方面，無人能及得上佢。而面對被佢壓迫嘅過程中係惡啃，但可以帶出神奇而積極正面嘅嘢！」
蓋茨仲話：「世人好難複製另一個喬布斯。Apple當年步向死亡之時，靠佢成功扭轉公司命運。」
作為微軟創始人，蓋茨管理作風被指好嚴厲，但佢就唔多同意：「平時同傳媒或者客戶傾偈時，未聽過有人話我粗魯同愛命令人哋喎！」之不過，佢認喺微軟成立初時，因為公司多數係男人，大家都好強硬，有時候都會做得過分咗！
余絲韻