上星期習特會之後，美國暫時不會對中國商品加徵新關稅，且暫時放生華為，市場預期未來內地將加快開放重點行業包括金融及汽車製造。昨日見部分汽車股升得有氣有力，值得望望。
從基本面睇，汽車股今轉反彈幅度或時間可能比預期中較長，主因有幾個。首先，汽車股本來係貿易戰主軌且最先被波及的板塊，不過所謂跌得深時彈得快，當風水輪流轉，自然有風使盡𢃇。
近期國家商務部表示，針對家電、汽車消費回落情況，就一系列政策相繼出台後，措施效果正在逐步顯現，六月份汽車消費明顯回升，暗示國策長遠配合板塊發展。
其次，早前板塊跌得頗深，現時估值唔貴，好似昨日彈得最勁的北京汽車（01958）往績市盈率約8倍，東風集團（00489）更低到得3.8倍，而長城汽車（02333）、華晨中國（01114）及吉利汽車（00175）亦介乎6至8倍不等，真係唔算貴，現價再追買都唔會心慌慌。再看基本因素，車企庫存已處周期底部，下半年的銷售有望回升。
最後，如果新能源汽車業務較重的，估值雖然唔算好平，好似比亞迪股份（01211）往績市盈率約45倍，但勝在中美貿易戰開打後，市場預期中國勢加速推進新能源汽車等科技創新產業，咁未來都係衰極有個譜。
策略上，都係搵大大隻或人氣較旺的較值博。吉汽勝在藍籌，唔多唔少會跟個市上，短期若能上破及企穩50日線約13.8元可順勢跟進，目標價16元，止蝕位13元。比亞迪短期則受制多條主要平均線約49元水平，若短期上破50元關同樣可順勢上車，目標價55元，跌穿48元止蝕。
專欄作者 股博士