絲絲講場：Apple設計之神離職身價逾七百億

但Apple股價星期四市後交易時段曾跌1.4%，意味佢個人身價高達90億美元（約702億港元）。Apple股價周五早段報197.05美元，跌1.35%。

伊夫九六年開始領導Apple嘅設計團隊，係Apple走到萬億美元市值嘅重要功臣。Apple過去廿年嘅經典產品均出自佢嘅手筆，包括至今仍然係Apple最主要收入來源嘅iPhone。

伊夫自組新公司

佢一二年起仲兼任負責軟件設計工作，直接向行政總裁庫克匯報。市場稱伊夫嘅地位「顯然是無可取代」，但亦有分析指，伊夫喺Apple時代過去，象徵公司轉型至服務公司，亦有人話未來產品突破需要新科技，而唔係單靠設計。

聽講伊夫一五年起淡出日常工作，仲曾缺席Apple嘅產品發布會，因為佢用咗兩年專注新總部Apple Park嘅工程。有人話形狀似太空船嘅Apple Park係向喬布斯致敬。

LoveFrom嘅名稱取自喬布斯對伊夫嘅一番說話，內容係開發產品嘅根本動力就用愛和關心，而LoveFrom將會喺明年全面投入運作。

余絲韻