Market Insight：港鐵50元關最後召集

大摩嘅報告話，月底G20峰會，若中美貿易談判破裂，美國最快在七月二日向餘下3,000億美元中國商品加徵關稅，恒指最熊會見21,080點，即尚有六千多點跌幅。

如今看來，確實尚未見到達成協議的可能，咁呢一刻恒指反彈到咁上下，係咪又要睇位沽？

老古認為，特朗普發動貿易戰嘅目的，唔係為咩仁義道德，而係為咗美國嘅絕對利益，今次佢係強勢，眼見競選連任嘅最大本錢就在口邊，怎會不大咬？如今就睇中國肯唔肯喺發展嘅關鍵時刻同意讓步，以目前中國嘅經濟狀況，照計有勇氣反枱，何不嘗試減慢點發展步伐以作緩衝？

所以，老古對月底兩國協商有方向式終結，還是抱有希望，不建議孤注一擲押注空倉，小注即市炒波幅，又或者手上有貨要做對沖則另計。

港鐵（00066）曾見50.3元，創二○○○年上市以來新高，收市報49.9元，全日升0.3%；領展（00823）亦升1.2%，收報97.25元，繼續向「紅底股」邁進。

股市風大雨大，呢兩隻股仍然係不少投資組合嘅鐵膽，而兩者之中，現價港鐵似乎較為值博。

北水開閘留意小米

另外，近期香港交易所（00388）表現比小弟想像中好，睇勢短線有條件向276至280元阻力區進發，初步支持喺258元。呢浪炒上，除咗憧憬阿里來港作第二上市，另須留意北水來港買賣同股不同權將開閘，可以睇實隻小米集團（01810）嘅動向。

國家統計局公布五月份七十個大中城市商品住宅銷售價數據。四大一線城市新建商品住宅銷售價格中，按年及按月計，廣州升幅繼續跑贏，按年升超過12%。

樓價穩定「壓倒一切」

總體而言，一、二、三線城市新建商品住宅和二手住宅銷售價格按年漲幅均與四月相同或回落。理論上，經濟差，資產價格跌，係自然不過嘅事。但內地如今樓價不能大升，也不許大跌，只能「穩」，因這不僅關乎內房企業利益，還關乎銀行體系穩定。老古不建議買入內房股，但就相信，內房股嘅表現會比中資金融股穩定。

古勝