蘋果公司（Apple Inc.）前法律總顧問Bruce Sewell接受外媒訪問時透露，佢喺Apple工作咗八年，公司經歷多宗引人注目嘅法律案件，包括同三星喺全球各地嘅專利案，仲有美國聯邦調查局（FBI）之間就保障用戶嘅私隱轇轕等。
Sewell回憶話，同公司CEO庫克工作咁耐，感覺最深嘅係庫克嘅工作安排有啲黐線。「庫克每日凌晨四點到五點就工作，於是我早上六點半起身後嘅第一件事就係Check電郵，睇吓佢交俾我嘅工作，同埋一啲瑣碎事。」
講開又講，Sewell指佢負責嘅法律部門有成900人，人數龐大，而每年嘅部門開支預算勁誇，成近10億美元咁多。
余絲韻